जरी असेल हा खेळ पाठशिवणीचा
अवनीवर लपंडाव उन पावसाचा
रुसवा मेघांचा श्रावणसर उदासली
वेदना उराची ह्या असह्य जाहली
धुंद शब्द कळ्यांना परि रंग चढेना
वसंती ह्या अक्षररुपी फुले फुलेना
स्वच्छंद लेखणी कशापरी रूसली
वेदना उराची ह्या असह्य जाहली
होते स्वप्न जीवन सागर तारणे
आनंदाचे शंख शिंपले वेचणे
नाव मनीची किनार्यास न लागली
वेदना उराची ह्या असह्य जाहली
मार्ग चालले सौख्याच्या शोधांचा
चहूओर कल्लोळ छदमी हास्याचा
का कुणा माझी खुशी न भावली
वेदना उराची ह्या असह्य जाहली
चुका दूर दूर कुठे मजला दिसेना
कसे काय झेलावे या लांछनांना
न ठेवली प्रेमास परिसीमा कुठली
वेदना उराची ह्या असह्य जाहली
दीपिका
कोणत्याही टिप्पण्या नाहीत:
टिप्पणी पोस्ट करा