अवचित येणे तुझे
घोर लावून गेले
हुरहुर क्षणाक्षणाची
मन विषण्ण झाले
अलवार मुक्त थेंब
ओठावरी दवाचा
अलगद गोड भास
तुझ्या प्रेम स्पर्शाचा
बंद केलीच होती
किवाडे पापण्यांची
चाहूल तुझी लागली
लोचनी डोकावण्याची
रुसवे तुझ्यावरीचे
खोटेच ते ठरावे
आर्जवाने नव्या
गालात मी हसावे
रित्या रित्या मैफिलीत
सुरांनी का अवघडावे
सुन्या सुन्या स्वरांना
तू गीत नवीन द्यावे
दीपिका 'संध्या'
कोणत्याही टिप्पण्या नाहीत:
टिप्पणी पोस्ट करा