शांत काजवे
निःशब्द चांदवे
जागवाया अशा रात्री तू मजसाठी असावा
स्वच्छंदी सरिता
समर्पण धरिता
अंतरी सामावणारा तू मजसाठी असावा
सप्तरंगी नभात
बरसला मोकाट
परि रिमझिमणारा तू मजसाठी असावा
बहर वसंताचा
गंधित फुलांचा
सुवासात धुंदणारा तू मजसाठी असावा
रुतणार काटा
भिजणार वाटा
मन खुळे, हसविणारा तू मजसाठी असावा
वदली नजर
मौनांचे स्वर
स्पर्शात समजाविणारा तू मजसाठी असावा
दीपिका 'संध्या'
कोणत्याही टिप्पण्या नाहीत:
टिप्पणी पोस्ट करा