अवतरला चंद्र नभीचा रूपात तुझिया
खुणवतो चंद्र अंगणीचा रूपात तुझिया
हसणे अवखळ,गात्री चैतन्याची सळसळ
असे मादक दरवळ मिलनात तुझिया
घेशील गीत माझे कुशीत जेंव्हा रात्री
स्वप्ने चांदराती रंगली रंगात तुझिया
नांव तुझे ह्या ओठावरी जणु विसावले
रोमांचित मी सामावले ह्रदयात तुझिया
आहेस अपार अथांग तू सागरासम
विरले सरिते परी अंतरात तुझिया
ऋणानुबंधच हे, होता जरी नवखा तू
जीवन मम फुलले जीवनांत तुझिया
दीपिका 'संध्या'
कोणत्याही टिप्पण्या नाहीत:
टिप्पणी पोस्ट करा